设为首页收藏本站

YEAHK綜合網站

 找回密码
 立即注册

扫一扫,访问微社区

QQ登录

只需一步,快速开始

搜索
查看: 1037|回复: 0

[爆笑论文] 當凡男遇到煩女(搞笑)

[复制链接]
  • TA的每日心情
    擦汗
    2015-1-3 01:21
  • 签到天数: 18 天

    连续签到: 1 天

    [LV.4]偶尔III

    449

    主题

    908

    帖子

    1万

    积分

    admin

    论坛坛主

    Rank: 9Rank: 9Rank: 9Rank: 9Rank: 9Rank: 9Rank: 9Rank: 9Rank: 9

    积分
    18512

    最佳新人活跃会员热心会员推广达人宣传达人灌水之王突出贡献优秀版主荣誉管理论坛元老

    QQ
    发表于 2012-4-10 10:11:51 | 显示全部楼层 |阅读模式
    NO.1 男:今晚你想食乜嘢 ? 女:是但啦!!你话事吖. 男:去食麻辣烫吖. 女:天气咁热.你想热死我啊?? 男:咁去食水煮鱼吖.好耐无食过喇. 女:我前两日先食过,成日食好热气. 男:咁去食泰国嘢或者韩国烧烤好唔好?? 女:都话咗热气啦,仲要我食哩D嘢,你有无心听我讲嘢架! 男:咁去POKKA好唔好??果度D SET DINNER都几好食. 女:POKKA好多人,唔想排队 男:咁去鋸排好唔好?? 女:唔想食咁多肉,好肥架. 男:无人叫你食晒件排,或者妳叫碟意粉又或者其他嘢都得架 女:咁咪即係叫我睇住你鋸排,我唔食你都唔准食. 男:........... 男:咁食台湾嘢好唔好? 女:台湾嘢好多油,好肥架 男:咁去食粥喇 女:食粥唔饱肚 男:麦当当或者家乡鸡求其一样..行啦 女:都话热气咯. 男:咁寿司呢? 女:我都唔食寿司嘅,你唔係唔知架.咁摆明找碴姐..... 男:不如你话事啦,我唔想谂喇. 女:我係谂唔到食乜先叫你话事,你俾D主见得唔得!!! 男:唔係话热气就话肥,我真係谂唔到仲有乜可以食. 女:咁係热气,係肥吖嘛..我有讲错咩,自己谂唔到就乱发人脾气.有无搞错啊你!!! 男:唉....甘去"味千"食拉面啦好唔好啊? 女:唔..都好,我要食咖哩拉面,炸餃子,仲要食雪糕..YEAH.就咁决定啦..GOGOGO 男 : (心谂) 你老味 ~神又你鬼又你~咖哩唔热气嘅、炸饺唔热气嘅,仲要一路话肥仲食雪糕..... NO.2 喺游乐场内十环过山车前...男唔敢玩任何机动游戏 女:哇,好刺激啊!我又要玩!我最中意玩过山车架喇。 男:好啊,我睇你玩啦。 女:点解要睇我玩啊,你放心我一个人去玩架喇。你做咩唔玩吖~~~你讲吖!! 男:我...我惊吖嘛。 女:惊!!平时搞搞镇果阵唔见你惊!!!你想喺度及女咋呱,你估我唔知啊。 男:我无啊!真係惊啊!我畏高架!见到都已经惊喇。 女:惊你个死人头,你有无见过过山车哒死过人吖?你有无见过男人老狗唔够胆玩过山车吖?你有无见过俾咗钱唔玩嘅人吖?你有无见过...... 男:得喇得喇!我玩喇! 女:^3^ 玩过一次之后,女吓到面都青埋... 男:正啊!原来真系好好玩!我地玩多次咯~~~ 女:痴线架你,係咪变态架!!玩一次好啦,玩咁多次做咩啊!! 男:咁觉得无想象中咁惊,又几刺激咪玩啰。 女:睬你都傻。我要去买嘢食。 男:咁你去买啦,我自己去玩多次跟住过嚟揾你。 女:玩咩玩。唔准玩。你想乘机走去及女咋嘛,你想去坐喺第条女隔离一齐玩咋嘛,你想笑我唔敢再玩咋嘛,你想拖我时间等我无得玩其他嘢咋嘛,你想撇开我咋嘛... 男:...... 男:唔玩啰。我开始以为你中意玩先叫你玩多次咋嘛。 女:我依家中意睇你玩跳楼机,中意睇你去玩波波池,中意睇你玩旋转木马,甘你去啦... 男:...... NO.3 男陪女喺厅睇完套韩剧...女突然好伤感...... 女:我问你吖... 男:咩啊? 女:你爱唔爱我? 男:做咩咁问嘅,你知架。 女:俾三声机会你。一,二... 男:爱啊爱啊,做咩啊?系米想诈娇啊? 女:诈你个死人头... 男:...... 女:如果有得俾你拣,你情愿我死定你死?? 男:唔答得唔得... 女:一,二... 男:我死!! 个女嘅谂咗一阵... 女:你死!你死咗我咪好闷啰!!你死咗边个交屋租啊,边个整水喉啊,边个帮我批苹果啊,边个帮我洗底衫裤啊,你死咗边个比我虾啊...哇~~好多好多。你够胆死死嘅...!! 男:咁... 咁你死喇... 女:哇...你只死产,甘你都够胆死讲嘅。你係咪人嚟架。枉我平时咁锡你,咁保护你,咁关心你,咁照顾你... 男:拿...我一早就知点答都死架喇。 女:你自己答得唔好咋嘛...一齐死咪得啰。 男:......(唔讲死得唔得啊)  

    NO.4 深夜.... 女:起身啊..!! 男:做咩啊..?? 女:你有无做对我唔住嘅嘢?? 男:无啊.做咩咁问.... 女:你有架...快讲啊. 男:真係无啊...夜麻麻米吵啦.好眼训啊. 女:你仲唔认个涡....!! 男:我认咩姐... 女:头先明明梦见你同第二个女人坐埋同一部车翻工.... 男:................... 男:我唔玩喇..好眼训.你俾我训啦. 女:你讲啊.有无啊? 男:...无啊. 女:你证明俾我睇吖... 男:点证明啊? 女:你听日米翻工吖... 男:........... 女:你听日唔翻工陪我去大河马吖... 男:........ (唉..天呀) NO.5 男饮到好醉...一路飞的翻紧去..... 女面色超难睇咁望住男.... 男:望咩望,未见过人饮大啊..... 女:.........(啤到实,眼都唔眨下) 男:啤咩啤...再啤踢七你吖哪!! 女:..........(改用好怨毒嘅眼神...) 男:你个样咁凶狠做咩啊...你以为你抽得赢我啊...让你一拳都仲得啦.来吖~~ 女:下次唔好饮咁多啦...到喇.我帮你教水冲凉吖...(突然好温柔咁讲). 男:哼..我要食7仔嘅碗仔翅.(平时恶吖哪,做死你)  
    女:.........我转头落去买.好唔好? 男:我仲要食油菜。 女:哦。 男:加多罐汽水... 女:係。知道。 男:乖喇... 男上咗去冲完凉已经晕到不得了...哒上床就训咗。 第日酒醒起身... 男发现自己全身裸露咁训喺床,电脑开住,台面墙纸係男嘅裸体,跟住喺门口贴住打印出来嘅裸照,再细心睇下喺全屋周围都有。 正当男好专心咁欣赏紧自己嘅裸照之时..门钟响. 想揾件衫,点知一件都无,全部反锁喺隔离客房。 男着住套女装衫裤去应门 男:边个啊? 妈:你老母啊! 男:...... 妈:开门啦,你女朋友话你唔舒服叫我嚟睇你架。 男:............(小喇叭) 以后男都唔敢再...... NO.6 -倾电话*(上篇) 男:喂,做咩啊? 女:点啊,喺边啊?训喺隔离条女着翻条裤未啊? 男:.................. 男:喺公司啊.女咩姐.. 女:拿拿..你只死产你.我听到有女人声喇.仲唔认. 男:公司梗系有男有女架啦... 女:吖....依家识得驳口驳舌添喇. 男:......做紧嘢啊. 女:都唔知係唔係嘅. 男:哩个时间我唔喺公司去得边涡. 女:咁你证明俾我睇吖. 男:又要点啊... 女:你斩只手指落嚟俾我吖,咁我以后就信晒你,乜都听晒你话喇. 男:.............. 男:俾条生路行下好涡... 女:一係你去纹身啦.你将我个名纹落你只手度.咁我就知道你爱我.咁我一样都会听晒你话.(女知道男最憎纹身) 男:.......米玩啦. 女:你纹唔纹....?一係斩只手指 男:.....(又喺度玩嘢) 6点.落班时间... 男喺公司同几个同事留低打机 女发短信过嚟... 女短信:走得未,又话陪我去洗甲? 男短信:加班.做紧嘢. 女短信:几点走得? 男短信:未知.你揾节目先. 半个钟后... 女短信:走得未?好饿啊. 男短信:未.唔使等. 再半个钟.....电话响. 男:喂.. 女:走得未啊你?做死人咩.咩老细来架. 男:係啊,好忙啊.全部同事都加紧班啊,唔信俾你听下喇 男:我哋係咪加紧班啊.(男大大声咁对住打紧机嘅同事讲) 众同事:係.......!!!! 男:听到未. 女:........... 又半个钟后.....电话响 男:又做咩啊. 女:走得未姐... 男:都话未咯. 女:我问多你一次.走定唔走. 男:未得啊.使唔使俾你同D同事倾下吖.. 女:好啊... 男:各位同事.仲要搞几耐啊.... 众同事:10点前.10点前.... 女:咁辛苦啊...咁咪好惨啰.要加咁耐... 男:係啊...(点解听到把声越嚟越近嘅) 女:咁你想我点慰劳你啊...(好阴森) 男:.......唔使喇.我就走喇.(男觉得唔对劲) 女:你顾住讲电话,咁点打机啊.... 男大惊,望回头.见一女笑眯眯咁企喺背后.... 男:.....走喇. 女:走喇咩.. 男:俾条生路行下好涡.. 女:得...俾钱啦. 男:几多. 女:荷包没收... 男:杀你...(好采D提款卡另外摆) 当晚.和平解决....
    <
    踩过的脚印

    |手机版|小黑屋|WwW.Yeahk.Com ( HardyWong    360網站安全

    GMT+8, 2018-6-16 22:15 , Processed in 0.603660 second(s), 19 queries , File On.

    Powered by Discuz! X3.4

    © 2001-2013 Comsenz Inc.

    快速回复 返回顶部 返回列表